مكرونه بأحلي صوص جبنه كريمي
مكرونه بأحلي صوص جبنه كريمي خالص مع شرائح اللحم والخضار والموزاريلا ... لذيذه اوي وسهله جدا طبق مطاعم فاخر من الاخر ومن غير كريمة
المقادير ...
مكرونه مسلوقه الشكل اللي تحبوه 3/4 سواوقبل ماتصفيها شيلي نص كوب من المياه اللي اتسلقت فيها
لتحضير الصوص ..
ملعقة كبيرة زبدهملعقة كبيرة زيت
ملعقتين كبار دقيق
٢ كوب لبن
نص كوب مياه المكرونه
كوب جبن شيدر مبشور
نص ملعقة صغيرة بابريكا
ملح وفلفل اسود
لتحضير اللحم ..
300 جرام شرائح لحم( ستيك او من السمانه او شرائح بفتيك )
بصل شرائح
فلفل اخضر شرائح
مشروم حسب الرغبه
فص ثوم صغير مفروم
ملح وفلفل اسود
لتحضير الصوص ..
علي درجة حرارة متوسطة حطي الزبده والزيت ونزلي الدقيق وقلبيهم كويس دقيقتين ..نزلي عليهم اللبن بالتدريج و مياه المكرونه مع التقليب المستمر لحد ما يغلي ..
نزلي عليه الجبنه والبابريكا والملح وقلبي لحد ما الجبنه تسيح خالص والقوام يتقل ويسمك نفسه ..
هنا بقي تنزليه علي المكرونه وتقلبيهم كويس
لتحضير اللحم ..
ملعقة كبيرة زيت علي درجة حرارة متوسطه نزلي معاها البصل والفلفل وقلبي دقيقه لـ دقيقتيننزلي المشروم قلبيهم مع بعض لحد ما يغير لونه
وشيليهم كلهم من الطاسة
ومكانهم علي النار ونزلي ملعقة زيت لما يسخن كويس نزلي شرائح اللحم واول لما تغير لونها حطي عليهم الملح والفلفل
قلبي لحد ما تستوي
بعد ماتستوي هدي النار و نزلي عليهم الخضار اللي حضرتيه
قلبيهم كويس وحطي الثوم المفروم
اخر حاجة الجبن الموزاريلا علي الوش وغطيهم لحد ما الجبن تسيح
نزلي جزء من اللحم علي المكرونه وقلبيهم ..
.. وبالهنا والشفا